ပဲခူးတိုင်းဒေသကြီး၊ ဝေါမြို့နယ်တွင် ငွေကျပ်သိန်း ၃,ဝဝဝ တန်ဖိုးရှိ စိတ်ကြွရူးသွပ်ဆေးပြား ၂၀၀,၀၀၀ ပြားကို ဖမ်းမိခဲ့ကြောင်း CCDAC MYANMAR က ဧပြီ ၇ ရက်တွင် သတင်းထုတ်ပြန်ခဲ့သည်။ ဧပြီ ၆ ရက်နေ့ညနေဝင်ပိုင်းတွင် ဝေါမြို့နယ်၊ ညောင်ခါးရှည်ကျေးရွာအနီးတွင် မော်တော်ယာဉ်များကို စစ်ဆေးပြီး, ၎င်းယာဉ်ပေါ်မှ စိတ်ကြွရူးသွပ်ဆေးပြားများကို ရှာဖွေတွေ့ရှိခဲ့ကြောင်း ဖော်ပြထားသည်။ ဖမ်းဆီးခံရသူများသည် အောင်နိုင်ဇံ (၃၅)နှစ်နှင့် မသီရိအောင် (၂၇)နှစ်တို့ဖြစ်ပြီး, အမှုဖွင့် အရေးယူထားပြီး ကွင်းဆက်ကို ဖော်ထုတ်လျက်ရှိကြောင်း သိရသည်။
