၂၀၂၅ မေလ ၁၁ ရက်တွင် မန္တလေး နိုင်ငံခြားဘာသာတက္ကသိုလ်၌ ကျင်းပရန်စီစဉ်ထားသည့် အကြိမ်(၁၀၀)မြောက် ကိုရီးယားဘာသာစကားကျွမ်းကျင်မှုစာမေးပွဲ (TOPIK) ကို မတ်လ ၂၈ ရက်က စစ်ကိုင်းကို ဗဟိုပြု၍ ဖြစ်ပွားခဲ့သည့် ပြင်းအားမြင့်ငလျင်ကြောင့် လုံခြုံရေးအရ ဖျက်သိမ်းလိုက်ကြောင်း ကိုရီးယားသံရုံးက ဧပြီ ၈ ရက်နေ့တွင် ကြေညာသည်။ မန္တလေးတွင် ငလျင်နောက်ဆက်တွဲများဖြစ်နေသဖြင့် စာမေးပွဲဖြေသူများ၏ လုံခြုံရေးကိုထောက်ထားကာ အဆိုပါဆုံးဖြတ်ချက်ချခဲ့ခြင်းဖြစ်သည်။ မန္တလေးတွင်စာမေးပွဲအတွက် အခကြေးငွေ ပေးသွင်းထားသူများကို ပြန်အမ်းပေးမည်ဖြစ်ပြီး ရန်ကုန်၌ အောက်တိုဘာ သို့မဟုတ် နိုဝင်ဘာလတွင် ကျင်းပမည့်စာမေးပွဲတွင် ဝင်ရောက်ဖြေဆိုခွင့်ပြုမည်ဖြစ်ကြောင်းလည်း သံရုံးက ထုတ်ပြန်ထားသည်။
