အမေရိကန်ဆေးပညာရှင်အဖွဲ့ နေပြည်တော်မှာ အရေးပေါ်ဆေးရုံဖွင့် ဆေးကုသပေးနေ

ဧပြီလ၇ ရက်နေ့ကအမေရိကန်နိုင်ငံက ဆရာဝန်၊ သူနာပြုတွေနဲ့ ကျွမ်းကျင်ပညာရှင်တွေပါဝင်တဲ့ Samaritan’s Purse အဖွဲ့က နေပြည်တော်က လက်ရှိ ယာယီဆေးကုသရေးဌာနမှာ ခွဲစိတ်မှုတွေ စတင်ဆောင်ရွက်နေပြီလို့ ထုတ်ပြန်ပါတယ်။ဒီအဖွဲ့က သဘာဝဘေးတုံ့ပြန်ရေး အထူးအဖွဲ့က အရေးပေါ်ကွင်းပြင်ဆေးရုံ တည်ဆောက်နေချိန်မှာ ဆရာဝန်တွေ နဲ့ သူနာပြု အဖွဲ့တစ်ဖွဲ့က အသက်ကယ်စောင့်ရှောက်မှု ပေးနေပြီးခုတင် ၆၀ ဆန့် ဆေးရုံမှာ အရေးပေါ်ခန်း၊ ဓါတ်ခွဲခန်း၊ ဆေးဆိုင်၊ အရေးပေါ် ကုသရေးယူနစ် နဲ့ ခွဲစိတ်မှု ဒါဇင်ပေါင်းများစွာ နေ့စဉ်လုပ်ဆောင်နိုင်မယ့် ခွဲစိတ်ခန်း နှစ်ခန်း တပ်ဆင်မယ်လို့ ဖော်ပြပါတယ်။ ငလျင်ဒဏ်သင့်သူ တစ်ရာနီးပါး ခွဲစိတ်ဖို့အတွက် စောင့်ဆိုင်းနေတယ်လို့လည်း ဆိုပါတယ်။