ယမန်နှစ်ကကွပ်မျက်ခံရသည်ဟုသိရှိရသောအရေအတွက်ဟာ ဆယ်စုနှစ်တခုအတွင်းအမြင့်ဆုံးကို ရောက်လာခဲ့တယ်လို့ နိုင်ငံတကာလွတ်ငြိမ်းချမ်းသာခွင့်အဖွဲ့ကြီး (AI) က ပြောလိုက်ပါတယ်။ လူတွေကိုအများဆုံး ကွပ်မျက်ခဲ့တဲ့နိုင်ငံတွေကတော့ အီရန်၊ အီရတ် နှင့် ဆော်ဒီအာရေးဗီးယားတို့ဖြစ်ကြပါတယ်။၂၀၂၄ ခုနှစ်မှာ ကမ္ဘာတဝန်းကွပ်မျက်ခံရသူဦးရေဟာ ၂၀၁၅ ခုနှစ်က ၁,၆၃၄ ဦးရှိခဲ့ပြီးကတည်းက ၁,၅၁၈ ဦးအထိ စံချိန်တင်အများဆုံးကိုရောက်ရှိလာခဲ့တာဖြစ်ပါတယ် လို့ အဆိုပါလူ့အခွင့်အရေးအဖွဲ့ရဲ့ သေဒဏ်စီရင်မှုအ ကြောင်းနှစ်ပတ်လည်အစီရင်ခံစာမှာဖော်ပြထားပါတယ်။ဒီကိန်းဂဏန်းဟာ ၂၀၂၃ ခုနှစ်နဲ့နှိုင်းစာရင် သိရှိရသမျှကွပ်မျက်မှုတွေ ၃၂ ရာခိုင်နှုန်းပိုများလာတာဖြစ်ပါတယ်။
