ရန်ကုန်တိုင်းဒေသကြီးရှိ မြို့နယ်တချို့တွင် ဧပြီ ၇ ရက်နေ့ နေ့လယ်ပိုင်းအချိန်မှစတင်ကာ မိုးရွာသွန်းခဲ့ကြောင်း မြင်တွေ့ရသည်။ မိုးလေဝသနှင့် ဇလဗေဒဦးစီးဌာနမှ ထုတ်ပြန်ချက်အရ ရန်ကုန်နှင့် တနင်္သာရီကမ်းရိုးတန်းတလျှောက် မိုးထစ်ချုန်းမိုးရွာနိုင်ခြင်းရှိသည်ဟု ယနေ့ မနက်ပိုင်းက သတင်းထုတ်ပြန်ထားသည်။၎င်းအပြင် မန္တလေး၊ မကွေး၊ ရှမ်းပြည်နယ်တောင်ပိုင်းနှင့်အရှေ့ပိုင်း၊ နေပြည်တော်အပါအဝင် စစ်ကိုင်းနှင့် ဧရာဝတီတိုင်းဒေသကြီးတို့တွင်လည်း နေရာစိပ်စိပ် မိုးရွာနိုင်ကြောင်း သိရသည်။
