ပြည်တွင်းငလျင်ဒဏ်ကြောင့် ထိခိုက်ပျက်စီးခဲ့သည့် မန္တလေးမြို့ မြန်မာဘောလုံးအကယ်ဒမီအား ဦးဇော်ဇော် သွားရောက် ကြည့်ရှုခဲ့

မြန်မာနိုင်ငံ ဘောလုံးအဖွဲ့ချုပ် ဥက္ကဌ ဦးဇော်ဇော်နှင့် ဧရာဝတီဖောင်ဒေးရှင်း တာဝန်ရှိသူများသည် ငလျင်ဒဏ်ကြောင့် ထိခိုက်ပျက်စီးခဲ့သည့် မန္တလေးမြို့ မြန်မာဘောလုံးအကယ်ဒမီအား ဧပြီ ၂ ရက်နေ့က သွားရောက် ကြည့်ရှု၍ ဝန်ထမ်းများနှင့် တွေ့ဆုံခဲ့ပါတယ်။မတ်လ ၂၈ ရက်နေ့ ငလျင်ဒဏ်ကြောင့် အကယ်ဒမီဝန်ထမ်းမိသားစုဝင် (၁)ဦး အသက်ဆုံးရှုံးခဲ့ရပြီး ကလေးငယ်တစ်ဦး ဒဏ်ရာရရှိခဲ့ရာ အဖွဲ့ချုပ် ဥက္ကဋ္ဌမှ အဆိုပါ မိသားစုဝင်များအား တွေ့ဆုံနှစ်သိမ့် အားပေးစကား ပြောကြားခဲ့ပြီး ထောက်ပံ့ကူညီငွေပေးအပ်ခဲ့ခြင်းလည်းဖြစ်ပါတယ်။