ဒီနေ့ ဧပြီ ၂ရက်နေ့ မနက်ပိုင်း ၈နာရီခွဲဝန်းကျင်မှာ လားရှိးမြို့ ရပ်ကွက်(၁၀)မြို့ဝမ်လမ်းထဲက ဆိုင်တစ်ခု ဓားပြတိုက်ခံခဲ့ရတယ်လို့ သိရပါတယ်။ဖြစ်စဉ်မှာ သေနတ်ကိုင်ဆောင်ထားတဲ့ အမျိုးသား ၅ဦးဟာ ကားနဲ့ရောက်ရှိလာပြီး အဲမြို့ဝမ်လမ်းထဲရှိ ဘုန်းကြီးကျောင်းဘေးက ဆိုင်ကို ဝင်ရောက်ဓားပြတိုက်ခဲ့တာ ဖြစ်ပါတယ်။အဲဒီအမျိုးသား ၅ဦးဟာ တရုတ်လူမျိုးတွေ ဖြစ်ပြီး ၁ယောက်ကလွဲလို့ ကျန်သူအားလုံး မျက်နှာကို Markနဲ့ အုပ်ထားတယ်လို့ ဆိုပါတယ်။
