ခြစားမှုနဲ့ ပတ်သက်တဲ့ အမှုကနေ ဘလတ္တာနဲ့ ပလာတီနီ ကင်းလွတ်

ဆွစ်ဇာလန် အယူခံတရားရုံးက ကမ္ဘာ့ဘောလုံးအဖွဲ့ချုပ် ဥက္ကဋ္ဌဟောင်း ဆပ်ပ် ဘလတ္တာနဲ့ ဥရောပဘောလုံးအဖွဲ့ချုပ် အကြီးကဲဟောင်း မီချယ်လ် ပလာတီနီတို့ကို ခြစားမှုနဲ့ ပတ်သက်တဲ့ ကြာမြင့်စွာ တရားရင်ဆိုင်ခဲ့ရတဲ့ အမှုကနေ မတ်လ ၂၅ ရက်၊ အင်္ဂါနေ့မှာ ဒုတိယအကြိမ် တရားသေလွှတ်ပေးခဲ့ပါတယ်။၂၀၂၂ မှာ သူတို့ကို ပထမဆုံးအကြိမ် ပြစ်ဒဏ်ကင်းလွတ်ခွင့်ပေးခဲ့တဲ့အတိုင်း အလားတူဆုံးဖြတ်ချက်ကိုပဲ ဘေဆယ်အနီး မူတန်ဇ်မြို့က အထူးအယူခံတရားရုံး စာရေးက ဖတ်ပြနေစဉ်မှာ အသက် ၈၉ နှစ် ဘလတ္တာနဲ့ အသက် ၆၉ နှစ် ပလာတီနီတို့ဟာ တိတ်ဆိတ်စွာ နားထောင်နေခဲ့ကြပါတယ်။