တရုတ်နိုင်ငံက အသက် ၅၅ နှစ်အရွယ် အမျိုးသမီးဟာ ကိုယ်ကာယပြိုင်ပွဲမှာ အသက်ငယ်ရွယ်တဲ့ အခြားပြိုင်ပွဲဝင်တွေကိုကျော်ပြီး အနိုင်ရသွားခဲ့ပါတယ်။ အနိုင်ရရှိဖို့က အသက်အရွယ်ဟာ အတားအဆီးအဟန့်အတားမဟုတ်ဘူးဆိုတာကို သက်သေပြသွားခဲ့တာပါ။ ဝမ်ကျန်ရုံဆိုတဲ့ အဲ့ဒီအမျိုးသမီးက သူ့ထက် အသက်ထက်ဝက်ငယ်တဲ့သူတွေနဲ့ ယှဉ်နိုင်မယ့် ကိုယ်လုံးကိုယ်ထည်ဖြစ်ဖို့ နှစ် ၂၀ ကျော် လေ့ကျင့်ခဲ့ရတာပါ။ သူဟာ ကိုယ်နေဟန်ထားမှန်ဖို့နဲ့ ကြွက်သားထိခိုက်နာကျင်မှုတွေမဖြစ်ဖို့ ကိုယ်လက်လှုပ်ရှားမှုလေ့ကျင့်ခန်းတွေလုပ်ခဲ့တာဖြစ်ပေမဲ့ နောက်ပိုင်းမှာ ဘဝတစ်သက်တာဝါသနာဖြစ်လာခဲ့ပါတယ်။
