Huawei နှင့် ရှန်ဟိုင်းအခြေစိုက် အစိုးရပိုင် ကားလုပ်ငန်း SAIC Motor တို့ ပူးတွဲလုပ်ကိုင်ကြမည့် ကားအမှတ်တံဆိပ်အသစ် Shangjie (尚界)ကို ဧပြီလ ၁၀ ရက်နေ့တွင် တရားဝင်မိတ်ဆက်မည်ဖြစ်ပြီး အမှတ်တံဆိပ်နှင့် ၎င်းအမှတ်တံဆိပ်၏ ကားများနှင့်ပတ်သက်သည့် အချက်အလက်များကို ထုတ်ပြန်ပေးမည် ဖြစ်သည်။ SAIC နှင့် ဟွာဝေးတို့သည် ကမ္ဘာ့အဆင့် ပြိုင်ဆိုင်နိုင်သော ဉာဏ်ရည်ပါသော မော်တော်ယာဉ်ကို ဖန်တီးကြရန် သဘောတူညီချက်ကို ဖေဖော်ဝါရီလတွင် လက်မှတ် ရေးထိုးခဲ့ကြသည်။
