ရှမ်းတောင် တောင်ကြီးမြို့က လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန (လဝက) ရုံးမှာ ရှမ်းမြောက်က မှတ်ပုံတင်သွားလုပ်တဲ့ ဒေသခံတချို့က မှတ်ပုံတစ်ခုရဖို့ကို လချီပြီး ကြန့်ကြာမှုတွေ ရှိနေတာကြောင့် အခက်တွေ့နေကြတယ်လို့ သိရပါတယ်။လက်ရှိအခြေအနေအရ ရှမ်းမြောက်ကနေ ရှမ်းတောင်အထိရောက်ဖို့ကို ကုန်ကျစရိတ်တွေ သိန်းဆယ်ချီရှိတာကြောင့် အခုလို ကြန့်ကြာမှုတွေ ရှိနေတဲ့အပေါ် ပိုပြီးခက်ခဲစေတယ်လို့ ပြောပါတယ်။တောင်ကြီးအထိ မှတ်ပုံတင်သွားလုပ်ကြတဲ့ ရှမ်းမြောက်က ဒေသခံတချို့ မှတ်ပုံတင်တစ်ခုရဖို့ကို တစ်ဦး ကျပ်ငွေ ၆ သိန်းအထိ ပေးနေရတာတွေလည်း ရှိနေပါတယ်။
