ဖေဖော်ဝါရီလ ၂၅ ရက်နေ့မှာပြည်တွင်း ပြည်ပ ပရိသတ် အားပေးမှု အခိုင်အမာရရှိထားတဲ့ နိုင်ငံကျော်မင်းသား ပိုင်တံခွန်နဲ့ မလင်းမြဖူးတို့ ချစ်သူစုံတွဲက မင်္ဂလာမော်ကွန်းတင် လက်မှတ်ရေးပွဲကို ကျင်းပခဲ့ပါတယ်။ " ဇနီးလောင်းလေးကနေ တရားဝင်ဇနီးအဖြစ်သို့" လို့ မင်းသားပိုင်တံခွန်က နှစ်ဖက်မိဘဆွေမျိုးတွေရှေ့မှာလက်မှတ်ရေးထိုးပြီးတော့ ပရိသတ်ကို တရားဝင်ချပြလာခဲ့တာဘဲဖြစ်ပါတယ်။သူတို့နှစ်ဦးဟာ၂၀၂၄ ခုနှစ် ဒီဇင်ဘာ ၂၉ ရက်က ပိုင်တံခွန်နဲ့ ချစ်သူလင်းမြဖူးတို့ရဲ့ မြန်မာ့ရိုးရာ ထုံးတမ်းစဉ်လာအတိုင်း စေ့စပ်တောင်းရမ်းမင်္ဂလာကို ကျင်းပခဲ့တာလည်း ဖြစ်ပါတယ်။မကြာခင်မှာတော့ ချစ်သူနှစ်ဦးရဲ့ ထိမ်းမြားမင်္ဂလာ လက်ထပ်ပွဲကြီးကိုလည်း ဆက်လက် ကျင်းပသွားမှာလည်းဖြစ်ပါတယ်။
