ထိုင်းနိုင်ငံ၊ ချာချင်ဆောင် ဆွယ်(၈) ရှိ ဆောက်လုပ်ရေးလုပ်ငန်းခွင်တွင် လုပ်ကိုင်နေသောမြန်မာဆောက်လုပ်ရေးလုပ်သား ၂၃ ဦး လုပ်ခမပေးဘဲ အလုပ်ထုတ်

ထိုင်းနိုင်ငံ၊ ချာချင်ဆောင် ဆွယ်(၈) ရှိ ဆောက်လုပ်ရေးလုပ်ငန်းခွင်တွင် လုပ်ကိုင်နေသော မြန်မာအလုပ်သမား ၂၃ ဦးကို အလုပ်ရှင်မှ လုပ်အားခ မပေးဘဲ အလုပ်ထုတ်ခဲ့သည်ဟု WAG အလုပ်သမားမဟာမိတ်အဖွဲ့က သိရသည်။အလုပ်သမားများသည် CI စာအုပ်ကိုင်ဆောင်ထားသူများဖြစ်ပြီး၊ ဆောက်လုပ်ရေးလုပ်ငန်းခွင်တွင် ၈ လကျော်အချိန်ကာလပတ်လုံးလုပ်ကိုင်နေကြသည်။ အလုပ်သမားများ၏ လုပ်ခလစာ (ဘတ် ၁၃,၀၀၀) ရရှိရန် မပေးဘဲ ဖေဖော်ဝါရီ ၅ ရက်နေ့တွင် အလုပ်ထုတ်ခံရကြောင်း ပြောဆိုခဲ့ကြသည်။ယခုလ ၂၀၂၅ခုနှစ် ဇန်နဝါရီ ၁ ရက်မှ ၄ ရက်အထိ လုပ်ခမပေးခဲ့ပြီး ၂၀၂၅ ခုနှစ်၊ ဖေဖော်ဝါရီ ၂၀ ရက်တွင် WAG နှင့်အတူ အလုပ်သမားများသည် လုပ်ခပြန်ရရန် နယ်မြေခံ ဆဝါဒိကန်ရုံးသို့ တိုင်ကြားခဲ့ကြောင်း သိရသည်။