ဂျပန်ရောက် မြန်မာဆယ်လီတဦး ဖြန့်ဖြူးရောင်းချနေသည့် Toki အဆီကျဆေးသကြားလုံးသည် ဂျပန်နိုင်ငံတွင် တရားမဝင်ဆေးဖြစ်ကြောင်းနှင့် သုံးစွဲရန်မသင့်ကြောင်း ဖေဖော်ဝါရီ ၆ရက် ရက်စွဲဖြင့် ဂျပန်နိုင်ငံ ၊ တိုကျိုမြို့ကျန်းမာရေးဝန်ကြီးဌာနက ထုတ်ပြန်ထားသည်။ ထိုသကြားလုံးသည် ကျန်းမာရေးဝန်ကြီးဌာန၏ ခွင့်ပြုချက်မရှိဘဲ ရောင်းချသော ဆေးဖြစ်ကြောင်းနှင့် စားသုံးပြီးနောက် ဗိုက်နာခြင်း၊ အဖျားတက်ခြင်းများကို ခံစားရကြောင်း စုံစမ်းစစ်ဆေး ရရှိခဲ့ပြီး ၎င်းဆေးသည် အဝလွန်သူများနှင့် ကိုယ်အလေးချိန်လျော့ချလိုသူများအတွက် ရည်ရွယ်အသုံးပြုခြင်းဖြစ်ကြောင်း သိရသည်။
