၂၀၂၄ ခုနှစ်အတွင်း အခြေခံပြည်သူနှင့်ရေဘေးသင့်ပြည်သူများ၊ဌာနဆိုင်ရာဝန်ထမ်းများထံသို့ ဆန်အိတ်ရေ ၂ သိန်းနီးပါးအား ပို့ကုန်အခြေပြုအရန်ဆန်အိတ်ရေ ၈ သိန်းတွင်းမှ၂၅%အထိ ထုတ်ယူ၍သင့်တင့်မျှတသောဈေးနှုန်းဖြင့်ရောင်းပေးခဲ့ကြောင်း မြန်မာနိုင်ငံဆန်စပါးအသင်းချုပ်၏ ၂၀၂၄ နှစ်ပတ်လည် အစီရင်ခံစာအရသိရပြီးယင်းနှစ်နိုဝင်ဘာလအထိပို့ကုန်အရန်ဆန်အိတ်ရေ၈သိန်းအထိရှိကြောင်းအသင်းချုပ်ထံမှသိရသည်။အရန်ဆန်စနစ်တွင် ပြည်ပပို့ဧည့်မထဆန်အမျိုးအစားကိုအရန်ဆန်ဖြစ်သတ်မှတ်ထားပြီးတရားဝင်ဆန်ဈေးနှုန်းအရတစ်အိတ်ကိုကျပ် ၇၆,၀၀၀ နှုန်းထားဖြင့်အခြေခံလူတန်းစားများအားအတန်ငယ်ချောင်ချိစေသောဆန်အမျိုးအစားများဖြစ်သည်။၎င်းတို့ကိုရန်ကုန်တိုင်းအတွင်းအိတ်ရေ ၂၇,၁၄၈ အိတ်၊ကာကွယ်ရေးဝန်ကြီးဌာနမှဝန်ထမ်းမိသားစုများဆီသို့အိတ်ရေ၉၉,၂၉၀အိတ်၊ရခိုင်ပြည်နယ် အမ်းဒေသသို့အိတ်ရေ၁၂,၃၇၅၊ပုဂ္ဂလိကကုမ္မဏီများသို့ဆန်အိတ်ရေ၂၄,၂၅၉၊ရေဘေးရန်ပုံငွေအဖြစ်အိတ်ရေ၁၅,၃၇၀အိတ် စုစုပေါင်းအိတ်ရေ၁၉၉,၂၀၄အိတ်အားစနစ်တကျရောင်းချခဲ့သည်ဟုသိရသည်။
