ရန်ကုန်တိုင်းဒေသကြီး၊ ဒလမြို့နယ်ရှိ သမိုင်းဝင်ဒလသင်္ဘောကျင်း၏ နှစ် (၁၅၀)ပြည့် အထိမ်းအမှတ်အခမ်းအနားအား ဇန်နဝါရီ ၁ ရက် နံနက်ပိုင်းက ရှေးဟောင်းဒီဇယ်စက်ပြင်ရုံအတွင်းကျင်းပခဲ့သည်။ ၁၉၀၈ ခုနှစ်တွင် တည်ဆောက်ခဲ့ပြီး ပြန်လည်အဆင့်မြှင့်တင်မွမ်းမံတည်ဆောက်ထားသော အမှတ်-၁ လွန်းလမ်း၊ လွန်းလှည်းအသစ်နှင့် တန်-၁၅၀၀ တွဲရေယာဉ်အသစ်တို့ကို ဖွင့်လှစ်ပေးခဲ့သည်။ အဆိုပါ ဒလသင်္ဘောကျင်းသည် ပြည်တွင်းရေကြောင်းပို့ဆောင်ရေးပိုင် သင်္ဘောကျင်းများအနက် ရှေးအကျဆုံးနှင့် အကြီးဆုံးသင်္ဘောကျင်းကြီးတစ်ခုဖြစ်သည်။
