အသက် ၃၈ နှစ်အရွယ်ရှိ ဒတ်ချ်ဒိုင်လူကြီး ရော့ဘ်ဒီပရင့်ခ် (Rob de Brink) သေဆုံးသွားပြီဖြစ်ကြောင်း နယ်သာလန်ဘောလုံးအဖွဲ့ချုပ် (KNVB) က အတည်ပြုကြေညာခဲ့သော်လည်း သေဆုံးရသည့် အကြောင်းရင်းကိုမူ တရားဝင်ထုတ်ပြန်ခြင်း မရှိသေးပေ။ ၎င်းသည် ၂၀၂၆ ကမ္ဘာ့ဖလားပြိုင်ပွဲတွင် VAR ဒိုင်လူကြီးအဖြစ် တာဝန်ထမ်းဆောင်ရန် ရွေးချယ်ခံခဲ့ရသော်လည်း၊ ပြီးခဲ့သည့် ဧပြီလအတွင်းက ကွန်းဖရန့်လိဂ်ပွဲစဉ်တစ်ပွဲ၌ ဆယ်ကျော်သက်အမျိုးသားတစ်ဦးကို လိင်အကြမ်းဖက်ရန် ကြိုးပမ်းခဲ့သည်ဟူသော စွပ်စွဲချက်ဖြင့် လန်ဒန်ရဲတပ်ဖွဲ့၏ ဖမ်းဆီးခြင်းကို ခံခဲ့ရသည်။ အဆိုပါအမှုကို သက်သေမခိုင်လုံသဖြင့် နောက်ပိုင်းတွင် ပြန်လည်ပိတ်သိမ်းပေးခဲ့သော်လည်း၊ ဖီဖာ (FIFA) က ၎င်းအား မေလအတွင်း ကမ္ဘာ့ဖလားဒိုင်လူကြီးစာရင်းမှ ဖယ်ရှားပစ်ခဲ့ကြောင်း သိရသည်။
