မွန်ပြည်နယ်၊ပေါင်မြို့နယ် ရန်ကုန်-မော်လမြိုင်ကားလမ်းပေါ်တွင် မိုးသည်းထန်စွာရွာသွန်း၍ ရေကျော်မှုဖြစ်ပွားသဖြင့် မီးသတ်တပ်ဖွဲ့ဝင်များ ကူညီဆောင်ရွက်

မွန်ပြည်နယ်၊ ပေါင်မြို့နယ်၊ ဥတ္တားကျေးရွာရှိ ရန်ကုန်-မော်လမြိုင်ကားလမ်း၊ မိုင်တိုင်အမှတ် (၁၀၉/၄) နှင့် (၁၀၉/၅) ကြားတွင် ၂၀၂၆ ခုနှစ်၊ ဇူလိုင် ၁၂ ရက် နံနက် ၉ နာရီ ၁၅ မိနစ်အချိန်ခန့်က မိုးသည်းထန်စွာရွာသွန်းမှုကြောင့် ကားလမ်းမပေါ် ရေကျော်မှုဖြစ်ပွားခဲ့ကြောင်း သိရသည်။ အဆိုပါ ရေကျော်မှုကြောင့် လမ်းပိတ်ဆို့မှုမရှိစေရေးနှင့် လမ်းသွားလမ်းလာ ခရီးသွားပြည်သူများ ဘေးအန္တရာယ်ကင်းရှင်းစွာ ဖြတ်သန်းသွားလာနိုင်ရေးအတွက် ပေါင်မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ လိုအပ်သည့် ကူညီရွှေ့ပြောင်းပေးခြင်းနှင့် လမ်းကြောင်းရှင်းလင်းပေးခြင်းလုပ်ငန်းများကို သွားရောက်ဆောင်ရွက်ပေးခဲ့ကြောင်း သိရသည်။