KBZ Foundation က ဝိပ္ပံဘာသာတွဲဖြင့် မြန်မာတစ်နိုင်ငံလုံး ပထမရကျောင်းသူ မနီနီကျော်အား ငွေကျပ်သိန်း ၁,၀၀၀ ပံ့ပိုးကူညီ

၂၀၂၆ ခုနှစ် တက္ကသိုလ်ဝင်တန်းစာမေးပွဲတွင် ဝိပ္ပံဘာသာတွဲဖြင့် မြန်မာတစ်နိုင်ငံလုံး ပထမရရှိခဲ့သော ရန်ကုန်တိုင်း၊ လှိုင်သာယာမြို့နယ်နေ မနီနီကျော်၏ ပညာရေးခရီး ဆက်လက်လျှောက်လှမ်းနိုင်ရန်နှင့် အနာဂတ်ရည်မှန်းချက်များ အကောင်အထည်ဖော်နိုင်ရန်အတွက် KBZ Foundation က ငွေကျပ်သိန်း ၁,၀၀၀ ပံ့ပိုးကူညီခဲ့ကြောင်း သိရသည်။ အခက်အခဲနှင့် စိန်ခေါ်မှုများကြားမှ မဆုတ်မနစ် ကြိုးစားအားထုတ်ကာ ထူးချွန်စွာ အောင်မြင်ခဲ့သည့် မနီနီကျော်၏ ဇွဲလုံ့လသည် ကျောင်းသား၊ ကျောင်းသူလူငယ်များအတွက် အားကျအတုယူဖွယ် စံနမူနာတစ်ရပ်ဖြစ်ကြောင်း အသိအမှတ်ပြုဖော်ပြခဲ့ပြီး၊ ၎င်းအနေဖြင့် ယခုထက်ပိုမိုသော အောင်မြင်မှုများ ဆက်လက်ရရှိကာ နိုင်ငံနှင့် လူမှုအသိုက်အဝန်းအတွက် အကျိုးပြုနိုင်သူတစ်ဦး ဖြစ်လာပါစေကြောင်း KBZ Foundation က ဆုမွန်တောင်းခဲ့သည်။