တောင်ကိုရီးယားနိုင်ငံ ဆိုးလ်မြို့ရှိ အိုလံပစ်အဝေးပြေးလမ်းမကြီးပေါ်တွင် ယာဉ်တိုက်မှုများကာကွယ်ရန် နားနေစခန်းအသစ်တစ်ခု ဖွင့်လှစ်

တောင်ကိုရီးယားနိုင်ငံ၊ ဆိုးလ်မြို့တော်အစိုးရသည် အိုလံပစ်အဝေးပြေးလမ်းမကြီး (Olympic Expressway) ပေါ်တွင် ယာဉ်မောင်းများ ပင်ပန်းနွမ်းနယ်ခြင်းနှင့် ငိုက်မျဉ်းမောင်းနှင်ခြင်းကြောင့်ဖြစ်ပွားသည့် ယာဉ်မတော်တဆမှုများကို လျှော့ချနိုင်ရန်အတွက် မြို့တော်၏ ပထမဆုံး ရှုခင်းကြည့်နားနေစခန်းအသစ် (Observatory-style Rest Area) တစ်ခုကို ဇူလိုင်လ ၁ ရက်နေ့တွင် စတင်မိတ်ဆက် ဖွင့်လှစ်လိုက်သည်။အဆိုပါနားနေစခန်းကို အရှေ့ပိုင်းဆိုးလ်မြို့ရှိ အိုလံပစ်တံတား (Olympic Bridge) တောင်ဘက်အစွန်းတွင် တည်ဆောက်ထားခြင်းဖြစ်ပြီး၊ ယာဉ်ရပ်နားရန်နေရာ ၂၇ ခု၊ ၂၄ နာရီပတ်လုံး လေအေးပေးစက်ဖွင့်လှစ်ထားသည့် အနားယူဆောင်နှင့် ခေတ်မှီသန့်စင်ခန်းများ ပါဝင်သည့်အပြင် ဟန်မြစ် (Han River) ၏ နေဝင်ဆည်းဆာအလှကို ခံစားကြည့်ရှုနိုင်မည့် လမ်းလျှောက်လမ်းပါ ထည့်သွင်းတည်ဆောက်ထားသည်။မြို့တော်အာဏာပိုင်များ၏ အဆိုအရ ပြီးခဲ့သည့် ၅ နှစ်တာကာလအတွင်း အဆိုပါမြစ်ကမ်းနားလမ်းမကြီးပေါ်တွင် ပင်ပန်းနွမ်းနယ်မှုကြောင့်ဖြစ်သည့် ယာဉ်မတော်တဆမှုများ ဆက်တိုက်ဖြစ်ပွားခဲ့သဖြင့် ယခုကဲ့သို့ စီစဉ်ခဲ့ခြင်းဖြစ်ကာ၊ အဆိုပါနားနေစခန်း၏ အသုံးပြုမှုအချက်အလက်များကို စောင့်ကြည့်ဆန်းစစ်ပြီးနောက် အခြားအဝေးပြေးလမ်းမကြီးများတွင်လည်း ဆည်းဆာကြည့်နားနေစခန်းကွန်ရက်များကို ထပ်မံတိုးချဲ့တည်ဆောက်သွားရန် စီစဉ်လျက်ရှိကြောင်း သိရသည်။