ရန်ကုန်တိုင်းလွှတ်တော်ဥက္ကဋ္ဌက လှိုင်သာယာ (အရှေ့ပိုင်း) မြို့နယ်မှ တက္ကသိုလ်ဝင်စာမေးပွဲအောင် ထူးချွန်ကျောင်းသူ ၂ ဦးအား ဂုဏ်ပြုချီးမြှင့်

ရန်ကုန်တိုင်းဒေသကြီး၊ လှိုင်သာယာ (အရှေ့ပိုင်း) မြို့နယ်တွင် နေထိုင်ပြီး ၂၀၂၆ ခုနှစ် တက္ကသိုလ်ဝင်စာမေးပွဲတွင် ထူးချွန်စွာ အောင်မြင်ခဲ့ကြသည့် မအေးချမ်းပြည့်နှင့် မနီနီကျော်တို့အား ရန်ကုန်တိုင်းလွှတ်တော်ဥက္ကဋ္ဌက ဇွန်လ ၃၀ ရက်တွင် တွေ့ဆုံ၍ ဂုဏ်ပြုချီးမြှင့်ခဲ့ကြောင်း သိရသည်။ ထိုသို့ ဂုဏ်ပြုရာတွင် ရန်ကုန်တိုင်းလွှတ်တော်ဥက္ကဋ္ဌနှင့်အတူ တာဝန်ရှိသူများနှင့် အလှူရှင်များကလည်း ပူးပေါင်းချီးမြှင့်ခဲ့ကြသည်။ အဆိုပါ ကျောင်းသူ ၂ ဦးအနက် မနီနီကျော်သည် အ.ထ.က (၁၄) လှိုင်သာယာမှ သိပ္ပံဘာသာတွဲဖြင့် တစ်နိုင်ငံလုံး ပထမရရှိကာ ထူးချွန်စွာ အောင်မြင်ခဲ့သူဖြစ်ပြီး၊ မအေးချမ်းပြည့်သည်လည်း အ.ထ.က (၄) လှိုင်သာယာမှ ၆ ဘာသာဂုဏ်ထူးဖြင့် အောင်မြင်ခဲ့သည့် ထူးချွန်ကျောင်းသူတစ်ဦး ဖြစ်ကြောင်း သိရသည်။