အာရှအားကစားပြိုင်ပွဲနှင့် SEA Games အတွက် မြန်မာ့လက်ရွေးစင် ပိုက်ကျော်ခြင်းအသင်း ပဏာမလူစာရင်း ထုတ်ပြန်

ဂျပန်နိုင်ငံတွင် ကျင်းပမည့် (၂၀) ကြိမ်မြောက် အာရှအားကစားပြိုင်ပွဲ (Asian Games) နှင့် မလေးရှားနိုင်ငံတွင် ကျင်းပမည့် (၃၄) ကြိမ်မြောက် အရှေ့တောင်အာရှအားကစားပြိုင်ပွဲ (SEA Games) များတွင် ဝင်ရောက်ယှဉ်ပြိုင်ရန်အတွက် မြန်မာ့လက်ရွေးစင် ပိုက်ကျော်ခြင်းအသင်း၏ ပဏာမလူစာရင်းကို မြန်မာနိုင်ငံပိုက်ကျော်ခြင်းအဖွဲ့ချုပ်က ယနေ့တွင် ထုတ်ပြန်ကြေညာခဲ့သည်။ အဆိုပါ ပဏာမလူစာရင်းတွင် ဦးထွဋ်ခိုင်နွယ် (အုပ်ချုပ်သူ/နည်းပြ) အပါအဝင် နည်းပြအဖွဲ့ဝင် ၉ ဦး၊ အမျိုးသားကစားသမား ၁၈ ဦးနှင့် အမျိုးသမီးကစားသမား ၁၃ ဦးတို့ကို ရွေးချယ် စုဖွဲ့ထားကြောင်း သိရသည်။