အပြည်ပြည်ဆိုင်ရာအိုလံပစ်နေ့ အထိမ်းအမှတ် လူထုလှုပ်ရှားမှု နေပြည်တော်၌ ကျင်းပ

အပြည်ပြည်ဆိုင်ရာအိုလံပစ်နေ့ အထိမ်းအမှတ်အဖြစ် အားကစားရေးရာဝန်ကြီးဌာန၊ အားကစားနှင့်ကာယပညာဦးစီးဌာနနှင့် မြန်မာနိုင်ငံအိုလံပစ်ကော်မတီတို့ ပူးပေါင်းကျင်းပသည့် လူထုလှုပ်ရှားမှုအခမ်းအနားကို ဇွန်လ ၂၇ ရက် နံနက်ပိုင်းက နေပြည်တော်ရှိ ဝဏ္ဏသိဒ္ဓိအားကစားကွင်း၌ ကျင်းပခဲ့ကြောင်း သိရသည်။ ယင်းလူထုလှုပ်ရှားမှုတွင် နေပြည်တော်ရှိ အသက် ၇ နှစ်မှ ၇၅ နှစ်အထိ စက်ဘီးစီးဝါသနာရှင်များ၊ လူငယ်အားကစားလေ့ကျင့်ရေးစခန်းမှ နည်းပြများနှင့် အားကစားသမားများ၊ ဝန်ကြီးဌာနမှ အရာထမ်း၊ အမှုထမ်းများ စုစုပေါင်း အင်အား ၅၀၀ ခန့် ပါဝင်ဆင်နွှဲခဲ့ကြသည်။