SMILE ဂြိုဟ်တုက တရုတ်နိုင်ငံရဲ့ အာကာသသိပ္ပံဖွံ့ဖြိုးတိုးတက်မှုမှာ အခန်းကဏ္ဍသစ်တစ်ခု ဖွင့်လှစ်

တရုတ်နိုင်ငံနှင့် ဥရောပတို့ ပူးပေါင်းလုပ်ဆောင်သည့် အာကာသစီမံကိန်းတစ်ခုဖြစ်သော SMILE ဂြိုဟ်တုသည် သတ်မှတ်ပတ်လမ်းထဲသို့ အောင်မြင်စွာ ရောက်ရှိသွားခဲ့ပြီး နေနှင့် ကမ္ဘာကြားက ဆက်နွှယ်မှုများကို လေ့လာရာတွင် အရေးပါသည့် ခြေလှမ်းသစ်တစ်ခု ဖြစ်လာကြောင်း သိရသည်။ ကမ္ဘာ့ပထမဆုံးအနေဖြင့် ဆန်းသစ်သော "Soft X-ray imaging" နည်းပညာကို အသုံးပြုကာ ကမ္ဘာ့သံလိုက်စက်ကွင်း၏ မြင်ကွင်းကျယ်ပုံရိပ်များကို ရိုက်ကူးသွားမည့် ယခုဂြိုဟ်တုသည် တရုတ်သိပ္ပံအကယ်ဒမီ (CAS) ၏ စီမံကိန်းဖြစ်ပြီး၊ တရုတ်နိုင်ငံ၏ အာကာသလေ့လာရေးတွင် လိုအပ်နေသော ကွက်လပ်ကို ဖြည့်ဆည်းပေးနိုင်ခဲ့သည့်အပြင် ယခင်ကထက် ဂြိုဟ်တုအုပ်စုများဖြင့် စနစ်တကျ လုပ်ဆောင်နိုင်သည့် အဆင့်သို့ ကူးပြောင်းလာနိုင်ခဲ့ကြောင်း သိရသည်။