ဗီယက်နမ်၊ ကွီညွန်းကမ်းခြေကောင်းကင်ယံတွင် စံချိန်တင် ဧရာမစွန်ပွဲတော်ကျင်းပ

ဗီယက်နမ်နိုင်ငံအလယ်ပိုင်း ကွီညွန်း (Quy Nhon) ကမ်းခြေတွင် ၂၀၂၆ ခုနှစ် ကွီညွန်းအနုပညာစွန်ပွဲတော် (Quy Nhon Artistic Kite Festival) ကို ဇွန်လ ၁၉ ရက်မှ ၂၁ ရက်အထိ စည်ကားသိုက်မြိုက်စွာ ကျင်းပလျက်ရှိရာ ရာနှင့်ချီသော ခေတ်မီဆန်းသစ်သည့် ဧရာမစွန်ရဲကြီးများကြောင့် ကောင်းကင်ယံတစ်ခုလုံး အရောင်အသွေးစုံလင်စွာဖြင့် လှပနေသည်။ယခုနှစ်ပွဲတော်တွင် ပြည်တွင်းပြည်ပမှ အနုပညာစွန်ကလပ်အဖွဲ့ပေါင်း ၂၀ နီးပါး ပါဝင်ဆင်နွှဲနေပြီး ပင်လယ်သတ္တဝါများ၊ တောရိုင်းတိရစ္ဆာန်များနှင့် ကာတွန်းဇာတ်ကောင်ပုံစံ ဧရာမစွန်ကြီးများ၊ အလင်းရောင်စုံတပ်ဆင်ထားသည့် စွန်အလှပြိုင်ပွဲများနှင့် အဖွဲ့လိုက်စွန်လွှတ်ခြင်းပြိုင်ပွဲများ အပါအဝင် အစီအစဉ်စုံလင်စွာ ထည့်သွင်းကျင်းပလျက်ရှိသည်။ ကမ်းခြေတစ်လျှောက်ရှိ စုစုပေါင်း ဆိုင်ခန်း ၆၀ ကျော်တွင်လည်း ဒေသထွက်ရိုးရာအစားအစာများနှင့် OCOP အဆင့်မြင့်ထုတ်ကုန်များကို ခရီးသွားများအတွက် ခင်းကျင်းကျွေးမွေးရောင်းချပေးနေပြီး၊ ဤပွဲတော်သည် ဒေသတွင်း နွေရာသီခရီးသွားကဏ္ဍ မြှင့်တင်ရေးအတွက် အဓိကဆွဲဆောင်မှုတစ်ခု ဖြစ်လာခဲ့သည်။