မွန်ပြည်နယ်၊မော်လမြိုင်မြို့ သိပ္ပံလမ်းထိပ်မီးပွိုင့်တွင် မီးနီဖြတ်မောင်းမှုကြောင့် ယာဉ်တိုက်မှုဖြစ်ပွား

မွန်ပြည်နယ်၊ မော်လမြိုင်မြို့၊ သိပ္ပံလမ်းထိပ်မီးပွိုင့်တွင် ဇွန်လ ၁၆ ရက်နေ့ ညနေပိုင်းက ကုန်တင်ကားတစ်စီး မီးနီဖြတ်မောင်းရာမှ အိမ်စီးကားတစ်စီးနှင့် ဝင်ရောက်တိုက်မိသည့် ယာဉ်တိုက်မှုတစ်ခု ဖြစ်ပွားခဲ့ကြောင်း ဒေသခံများ၏ ပြောပြချက်အရ သိရသည်။ အဆိုပါ ယာဉ်တိုက်မှုကြောင့် လူထိခိုက်ဒဏ်ရာရရှိမှု မရှိသော်လည်း အိမ်စီးကား၏ ခေါင်းပိုင်း ပျက်စီးသွားခဲ့ပြီး ကုန်တင်ကား၏ နောက်ပိုင်းနှင့် ဘေးတံခါးတို့တွင်လည်း ထိခိုက်ပျက်စီးမှုများ ရှိခဲ့ကြောင်း သိရသည်။