ထိုင်းနိုင်ငံ၊ ပထုံထာနီရှိ မျက်လုံးပုံသဏ္ဌာန် ရေပေါ်ကျွန်းကို အထင်ကရ ဂေဟစနစ်ခရီးသွားနေရာဖြစ်ရန် ကြိုးပမ်းနေ

ထိုင်းနိုင်ငံ၊ ပထုံထာနီ (Pathum Thani) ပြည်နယ်ရှိ ရေဝပ်ဒေသတစ်ခုတွင် အာဂျင်တီးနားနိုင်ငံမှ နာမည်ကြီး "El Ojo" ကျွန်းနှင့် ဆင်တူသည့် "Eye of Thailand" ဟု ခေါ်သော မျက်လုံး သို့မဟုတ် စက်ဝိုင်းပုံသဏ္ဌာန် ရေပေါ်ကျွန်းမျောတစ်ခု ရှိနေသည်။ ၎င်းကျွန်းကို ပြည်နယ်၏ အထင်ကရ နေရာသစ်တစ်ခု ဖြစ်လာစေရန် ဒေသန္တရအုပ်ချုပ်ရေးအဖွဲ့ (PAO) က ကြိုးပမ်းနေကြောင်း သိရသည်။ အဆိုပါကျွန်းမှာ လွန်ခဲ့သည့် နှစ်ပေါင်း ၅၀ ကျော်က စွန့်ပစ်မြေတူးကျင်းဟောင်းတစ်ခုအတွင်း ရေနေအပင်ထုကြီးက လေတိုက်ခတ်မှုနှင့် ကမ်းခြေပွတ်တိုက်မှုတို့ကြောင့် နှစ်ပေါင်းများစွာအတွင်း သဘာဝအလျောက် စက်ဝိုင်းပုံ ပြောင်းလဲလာခြင်း ဖြစ်သည်။ လက်ရှိတွင် ၎င်းမြေနေရာမှာ ပုဂ္ဂလိကပိုင်ဖြစ်သော်လည်း သဘာဝအတိုင်း ထိန်းသိမ်းကာ မျှော်စင်နှင့် အများပြည်သူအပန်းဖြေပန်းခြံ ဖော်ဆောင်နိုင်ရန် PAO က မြေပိုင်ရှင်၊ ပညာရှင်များနှင့် ညှိနှိုင်းနေပြီး၊ လောလောဆယ်တွင် ဆွေးနွေးဆဲကာလဖြစ်၍ ဂေဟစနစ်နှင့် ဘေးကင်းလုံခြုံရေးအတွက် အများပြည်သူအနေဖြင့် အဆိုပါဧရိယာအတွင်းသို့ မဝင်ရောက်ကြရန် တိုက်တွန်းထားသည်။