“ကုန်းဘောင်မင်းဆက်” သမိုင်းဝင်ရုပ်ရှင်ဇာတ်ကား မိတ်ဆက်ပွဲကြီးကို ရန်ကုန်မြို့၌ ခမ်းနားစွာကျင်းပ

ဒါရိုက်တာ ဝင်းလွင်ထက် ပုံဖော်ရိုက်ကူးမည့် “ကုန်းဘောင်မင်းဆက်” သမိုင်းဝင် ရုပ်ရှင်ဇာတ်ကားကြီး၏ စာနယ်ဇင်းမိတ်ဆက်ပွဲ အခမ်းအနားကို ယနေ့ ဇွန်လ ၂ ရက်နေ့က ရန်ကုန်မြို့ရှိ Chatrium Hotel ၌ ခမ်းနားထည်ဝါစွာ ကျင်းပပြုလုပ်ခဲ့ကြောင်း သိရသည်။ အဆိုပါ ရုပ်ရှင်ဇာတ်ကားကြီးသည် မြန်မာ့သမိုင်းနောက်ခံကို အခြေခံ၍ သရုပ်ဆောင်အင်အား ၂၀၀ ကျော်အထိ အသုံးပြုကာ အကောင်းဆုံးနှင့် အကြီးကျယ်ဆုံး သမိုင်းဝင်ဇာတ်ကားတစ်ကား ဖြစ်လာစေရန် အသေးစိတ် ပြင်ဆင်ပုံဖော် ရိုက်ကူးသွားမည်ဖြစ်ကြောင်း အဆိုပါ မိတ်ဆက်ပွဲအရ သိရသည်။