ရန်ကုန်၊မြောက်ဥက္ကလာပမြို့နယ်ရှိ အထက (၇) ကျောင်းရှေ့တွင် ကျောင်းဆင်းချိန် မိုးကြိုးပစ်ခံရသဖြင့် ဆရာမနှင့် ကျောင်းသားအချို့ ဒဏ်ရာရ

ရန်ကုန်မြို့၊ မြောက်ဥက္ကလာပမြို့နယ်၊ အမှတ် (၇) အခြေခံပညာအထက်တန်းကျောင်းတွင် ဇွန်လ ၁ ရက် ယနေ့နေ့လယ် ကျောင်းဆင်းချိန်၌ ကျောင်းရှေ့ရှိ ကုက္ကိုလ်ပင်ကို မိုးကြိုးပစ်ချခဲ့မှုကြောင့် အပင်အောက်တွင်ရှိနေသည့် ကျောင်းဆရာမတစ်ဦးနှင့် KG အရွယ် ကျောင်းသားနှစ်ဦး မိုးကြိုးစက်ကွင်းထိမှန်ကာ ဒဏ်ရာရရှိခဲ့ကြောင်း သိရသည်။ ဒဏ်ရာရရှိသူသုံးဦးလုံးကို မြောက်ဥက္ကလာပပြည်သူ့ဆေးရုံကြီးသို့ ပို့ဆောင်ကုသပေးထားပြီး၊ ကျောင်းသားနှစ်ဦးမှာ ကျောနှင့် မျက်နှာတွင် ဒဏ်ရာအနည်းငယ်သာရရှိကာ စိုးရိမ်စရာမရှိတော့သော်လည်း မိုးကြိုးစက်ကွင်း ပိုမိုထိမှန်ခဲ့သည့် ဆရာမဖြစ်သူကိုမူ ဆေးရုံတွင် ဆက်လက်စောင့်ကြည့်ကုသပေးနေရကြောင်း အနှိုင်းမဲ့တိမ်ပန်းချီပရဟိတအသင်းနှင့် ဒေသခံများထံမှ သိရသည်။