မကွေးတိုင်းဒေသကြီး၊ ရေနံချောင်းမြို့တွင် ရေဆင်းချိုးရာမှ ရေနစ်ပျောက်ဆုံးသူ အမျိုးသားတစ်ဦးအား သေဆုံးလျက် ပြန်လည်ရှာဖွေတွေ့ရှိ

မကွေးတိုင်းဒေသကြီး၊ ရေနံချောင်းမြို့နယ်၊ ညောင်လှရပ်ကွက်၊ ကမ်းနားရပ်တွင် ယနေ့ (မေလ ၂၅ ရက်) နံနက် ၁၀ နာရီ ၅၀ မိနစ်အချိန်ခန့်က လူတစ်ဦး ရေဆင်းချိုးရာမှ ရေနစ်ပျောက်ဆုံးနေကြောင်း သတင်းရရှိသဖြင့် ရေနံချောင်းမြို့နယ်မီးသတ်စခန်းမှ အုပ်ချုပ်မှုယာဉ် ၁ စီး၊ စက်လှေ ၁ စီး၊ သန္ဓေမီးသတ်တပ်ဖွဲ့ဝင်များနှင့် ရှာဖွေကယ်ဆယ်ရေးတပ်ဖွဲ့ဝင်များက သွားရောက်ရှာဖွေခဲ့ကြသည်။ ထိုသို့ အပူတပြင်း ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ရာ ရေနစ်သေဆုံးသွားခဲ့သည့် အဆိုပါ အမျိုးသား (၁ ဦး) ၏ ရုပ်အလောင်းအား ပြန်လည်ဆယ်ယူရရှိခဲ့ပြီး၊ မိတ်ဆွေကောင်း ပရဟိတအသင်းယာဉ်ဖြင့် ရေနံချောင်းမြို့နယ် ပြည်သူ့ဆေးရုံကြီးသို့ ကူညီပို့ဆောင်ပေးခဲ့ကြောင်း သိရသည်။