back

အမေရိကန်ရောက် မြန်မာများ မိခင်နိုင်ငံပြန်၍ Green Card လျှောက်ရမည့် ထရမ့်အစိုးရ၏ မူဝါဒသစ်ကြောင့် အခက်တွေ့နေ

May 24 • 2:45 AM

breaking-news

Myanmar

International

cover

အမေရိကန်ရောက် မြန်မာများ မိခင်နိုင်ငံပြန်၍ Green Card လျှောက်ရမည့် ထရမ့်အစိုးရ၏ မူဝါဒသစ်ကြောင့် အခက်တွေ့နေ

အမေရိကန်နိုင်ငံအတွင်း ယာယီဗီဇာဖြင့် ရောက်ရှိနေပြီး အမြဲတမ်းနေထိုင်ခွင့် (Green Card) လျှောက်ထားမည့် နိုင်ငံခြားသားများသည် မိခင်နိုင်ငံသို့ ပြန်၍ သက်ဆိုင်ရာသံရုံ...

အမေရိကန်နိုင်ငံအတွင်း ယာယီဗီဇာဖြင့် ရောက်ရှိနေပြီး အမြဲတမ်းနေထိုင်ခွင့် (Green Card) လျှောက်ထားမည့် နိုင်ငံခြားသားများသည် မိခင်နိုင်ငံသို့ ပြန်၍ သက်ဆိုင်ရာသံရုံးမှတစ်ဆင့် လျှောက်ထားရမည်ဟူသော လမ်းညွှန်ချက်အသစ်ကို အမေရိကန် လူဝင်မှုကြီးကြပ်ရေးဗျူရို (USCIS) က မေလ ၂၂ ရက်တွင် ကြေညာခဲ့သည်။အဆိုပါ မူဝါဒသစ်ကြောင့် အမေရိကန်ရောက် မြန်မာနိုင်ငံသားများအကြား စိုးရိမ်ပူပန်မှုများနှင့် အခက်အခဲများ ရင်ဆိုင်နေရသည်။ယခုလုပ်ထုံးလုပ်နည်းသစ်သည် ဥပဒေဟာကွက်များကို အသုံးချ၍ အမေရိကန်ပြည်တွင်း၌ ဗီဇာအဆင့်အတန်း ပြောင်းလဲခြင်း (Adjustment of Status) ကို တားဆီးရန် ထုတ်ပြန်ခြင်းဖြစ်ပြီး၊ ရွှေ့ပြောင်းနေထိုင်သူ ၁ သန်းကျော်အပေါ် သက်ရောက်မှုရှိနိုင်သည်။အထူးသဖြင့် ကျောင်းသားဗီဇာ (F-1) သို့မဟုတ် အလုပ်ဗီဇာ (H-1B) မှတစ်ဆင့် Green Card ပြောင်းရန် ကြိုးစားနေသူများအတွက် အလှည့်အပြောင်းကြီး ဖြစ်လာခဲ့သည်။မြန်မာနိုင်ငံ၏ လက်ရှိနိုင်ငံရေးမတည်ငြိမ်မှုနှင့် လုံခြုံရေးအခြေအနေများကြောင့် အမိနိုင်ငံသို့ ပြန်ရန် မဖြစ်နိုင်ကြောင်း၊ ပြန်သွားပါကလည်း ပြည်ပသို့ ပြန်လည်ထွက်ခွာခွင့်ရရန် အာမခံချက်မရှိကြောင်း မြန်မာများက ဆိုသည်။ ထို့ပြင် ဥပဒေပညာရှင်များက မြန်မာပြည်၏ အခြေအနေကို ‘အလွန်ထူးခြားဆန်းပြားသော လူသားချင်းစာနာထောက်ထားမှုဆိုင်ရာ အခြေအနေ’ အဖြစ် သတ်မှတ်ပေးရန် ရှေ့နေများမှတစ်ဆင့် အခိုင်အမာ လျှောက်လဲချက်ပေးကာ ပြည်တွင်း၌တင် ဆက်လက်စောင့်ဆိုင်းခွင့်ရအောင် ကြိုးစားသင့်ကြောင်း အကြံပြုထားကြသည်။

news-view-count-icon

55