back

တောင်ကိုရီးယားနိုင်ငံ ဟာနမ်ခရိုင်တွင် လေ့ကျင့်ရေးလေယာဉ်ငယ်တစ်စီး ပျက်ကျမှုဖြစ်ပွား

May 24 • 1:51 AM

breaking-news

South Korea

Local News

cover

တောင်ကိုရီးယားနိုင်ငံ ဟာနမ်ခရိုင်တွင် လေ့ကျင့်ရေးလေယာဉ်ငယ်တစ်စီး ပျက်ကျမှုဖြစ်ပွား

တောင်ကိုရီးယားနိုင်ငံ အနောက်တောင်ပိုင်း ဂျိုလာဘွတ်ဒိုပြည်နယ်၊ ဟာနမ်ခရိုင် (Haenam County) ၌ စနေနေ့ (မေ ၂၃ ရက်) မွန်းလွဲ ၃:၁၀ နာရီဝန်းကျင်ခန့်က လေ့ကျင့်ရေးလေယာဉ်...

တောင်ကိုရီးယားနိုင်ငံ အနောက်တောင်ပိုင်း ဂျိုလာဘွတ်ဒိုပြည်နယ်၊ ဟာနမ်ခရိုင် (Haenam County) ၌ စနေနေ့ (မေ ၂၃ ရက်) မွန်းလွဲ ၃:၁၀ နာရီဝန်းကျင်ခန့်က လေ့ကျင့်ရေးလေယာဉ်ငယ်တစ်စီး ကွင်းပြင်တစ်ခုအတွင်းသို့ ပျက်ကျခဲ့ရာ လေယာဉ်ပေါ်ပါရှိသူ ၂ ဦးစလုံး စိုးရိမ်ရသည့် ဒဏ်ရာများ ရရှိခဲ့ကြကြောင်း မီးသတ်အာဏာပိုင်များက ထုတ်ပြန်ခဲ့သည်။အဆိုပါလေယာဉ်ငယ်သည် မူအန်လေဆိပ် (Muan Airport) မှ ဆာနီလေယာဉ်ကွင်း (Sani Airfield) သို့ ပျံသန်းလာစဉ် ပျက်ကျခဲ့ခြင်းဖြစ်ပြီး၊ လေယာဉ်ပေါ်တွင် ပါရှိသည့် ချိုဒေါင်တက္ကသိုလ် (Chodang University) မှ အသက် ၂၀ ကျော်အရွယ် လေယာဉ်နည်းပြနှင့် ကျောင်းသားတို့အား အနီးနားရှိ ဆေးရုံများသို့ အရေးပေါ် ပို့ဆောင်ထားရသည်။ မီးသတ်တာဝန်ရှိသူများ၏ ပြောကြားချက်အရ လေယာဉ်ကျောင်းသားအား သတိရှိလျက် အခြေအနေဖြင့် ကယ်ဆယ်နိုင်ခဲ့သော်လည်း၊ လေယာဉ်နည်းပြမှာမူ သတိလစ်မေ့မြောနေသည့် အခြေအနေဖြင့် တွေ့ရှိခဲ့ရသည်။ ပျက်ကျမှုကြောင့် လေယာဉ်တောင်ပံတစ်ဖက် ပြင်းထန်စွာ ပျက်စီးသွားခဲ့သော်လည်း မီးလောင်ကျွမ်းမှုမူ မရှိခဲ့ဘဲ၊ လက်ရှိတွင် သက်ဆိုင်ရာ လေကြောင်းမတော်တဆမှု စုံစမ်းစစ်ဆေးရေးအဖွဲ့များက ပျက်ကျရသည့် အကြောင်းအရင်းကို အသေးစိတ် စုံစမ်းစစ်ဆေးလျက်ရှိသည်။

news-view-count-icon

18