ရှမ်းပြည်နယ်၊ ဆီဆိုင်မြို့နယ်ရှိ ကောင်ဝါးတောင်ရွာတွင် နွားအကောင်ရေ ၄၉ ကောင် မိုးကြိုးပစ်ခံရ၍ သေဆုံး

ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ရှမ်းပြည်နယ်တောင်ပိုင်း၊ ဆီဆိုင်မြို့နယ်၊ လွယ်ပွတ်ကျေးရွာအုပ်စု၊ ကောင်ဝါးတောင်ရွာ၏ အနောက်တောင်ဘက် ၂ မိုင်ခွဲအကွာ၌ မေလ ၂၁ ရက် ညနေ ၂ နာရီ ၂၂ မိနစ်အချိန်ခန့်က မိုးသည်းထန်စွာရွာသွန်းပြီး မိုးကြိုးပစ်ခတ်ခဲ့မှုကြောင့် နွားအကောင်ရေ ၄၉ ကောင် တစ်ပြိုင်နက်တည်း သေဆုံးခဲ့ကြောင်း သိရသည်။အဆိုပါဖြစ်စဉ်သည် နွားကျောင်းသားဖြစ်သူက ရွာသို့ပြန်ရန်အတွက် အရေအတွက် ၂၀၀ ဝန်းကျင်ရှိသည့် နွားအုပ်ကို လိုက်လံစုစည်းနေစဉ် မိုးသက်လေမုန်တိုင်းနှင့်အတူ မိုးကြိုးပစ်ခတ်ခဲ့ခြင်း ဖြစ်သည်။ ယခုမိုးကြိုးပစ်ခတ်မှုကြောင့် နွားအုပ်ထဲမှ အကောင်ရေ ၄၉ ကောင် သေဆုံးသွားခဲ့ရတာ ဖြစ်ပါသည်။