အစ္စလာမ်ဘာသာဝင်များ အထွတ်အမြတ်ထားရာ ဆော်ဒီအာရေဗျနိုင်ငံ၊ မက္ကာဟ်မြို့သို့ သွားရောက်ဝတ်ပြုရမည့် ယခုနှစ် ၂၀၂၆ ဟဂျ်ခရီးစဉ်အတွက် မြန်မာနိုင်ငံမှ ဘုရားဖူးခရီးသည် ၃၅၀ ဦးကို ဟဂျ်ဗီဇာ အချိန်မီ ထုတ်ပေးမရသဖြင့် ခရီးစဉ်တစ်ခုလုံး ရပ်ဆိုင်းလိုက်ရကြောင်း သိရသည်။ဆော်ဒီအာရေဗျနိုင်ငံဘက်မှ ဟဂျ်ဗီဇာ အချိန်မီ ချမှတ်ပေးခြင်း မရှိခြင်းကြောင့် မြန်မာနိုင်ငံအတွက် ရရှိထားသော ဟဂျ်ခွဲတမ်း ၃၅၀ ဦး စေလွှတ်ရေးအစီအစဉ်ကို ယခုနှစ်တွင် ရပ်ဆိုင်းလိုက်ကြောင်း မြန်မာအစိုးရလက် အောက်ရှိ သာသနာရေးဝန်ကြီးဌာန၊ ၂၀၂၆ ခုနှစ် ဟဂျ်ဝတ်ပြုသွားရောက်ခြင်းဆိုင်ရာ စိစစ်ရေးအဖွဲ့က မနေ့ မေ ၁၄ ရက်တွင် ထုတ်ပြန်ခဲ့သည်။



