ကမ္ဘာ့ဖလားပြိုင်ပွဲမှာ နေမာကို ဘရာဇီးလ်အသင်းနဲ့အတူ ရှိစေချင်တယ်လို့ မက်ဆီ ပြောကြား

အာဂျင်တီးနားအသင်းခေါင်းဆောင် မက်စီက ၎င်း၏သူငယ်ချင်းဖြစ်သူ နေမာသည် ကမ္ဘာ့အကောင်းဆုံးကစားသမားများထဲမှ တစ်ဦးဖြစ်ပြီး လာမည့်ကမ္ဘာ့ဖလားပြိုင်ပွဲတွင် ဘရာဇီးလ်အသင်းနှင့်အတူ ပါဝင်ကစားသည်ကို မြင်တွေ့လိုကြောင်း ပြောကြားခဲ့သည်။ ဘာစီလိုနာနှင့် PSG အသင်းတို့တွင် အတူလက်တွဲခဲ့သည့် ၎င်းတို့နှစ်ဦးမှာ ရင်းနှီးသောဆက်ဆံရေးရှိကြပြီး၊ နေမာသည် ဒူးဒဏ်ရာကြောင့် နိုင်ငံအသင်းနှင့် ကင်းကွာနေခဲ့ရသော်လည်း ကမ္ဘာ့ဖလားယှဉ်ပြိုင်ခွင့်ရရန် ရည်မှန်းချက်ဖြင့် ဆန်းတို့စ်အသင်းသို့ ပြန်လည်ပြောင်းရွှေ့ခဲ့သူဖြစ်သည်။ သို့သော် လက်ရှိတွင် နေမာအနေဖြင့် ဒဏ်ရာပြဿနာနှင့် အန်ဆယ်လော့တီ၏ ဘရာဇီးလ်အသင်းရှိ တိုက်စစ်အင်အားတောင့်တင်းမှုတို့ကြောင့် ကမ္ဘာ့ဖလားလူစာရင်းတွင် ပါဝင်ခွင့်ရရန် ရုန်းကန်ရမည့် အခြေအနေတွင် ရှိနေပါသည်။