ကချင်ပြည်နယ်၊ဖားကန့်၌ ကြက်သား၊ ဝက်သား တစ်ပိဿာ ကျပ် (၈)သောင်းဝန်းကျင် ဈေးပေါက်နေ

ကချင်ပြည်နယ်၊ ကျောက်စိမ်းများ ထွက်ရှိရာ ဖားကန့်မြို့နယ်တွင် နယ်မြေအခြေအနေကြောင့် လမ်းပိတ်ထားသဖြင့် ကြက်သား၊ ဝက်သား တစ်ပိဿာလျှင် ကျပ် (၈)သောင်းဝန်းကျင် ဈေးပေါက်နေကြောင်း ဒေသခံများက ပြောကြားသည်။ယခင်က အသားငါးဈေးသည် တပိဿာလျှင် ကျပ်  (၅)သောင်းဝန်းကျင်သာရှိသော်လည်း ကုန်ပြတ်လပ်မှုကြောင့် အဝယ်များကာ ဈေးမြင့်တက်လာခြင်းဖြစ်သည်။“ ကြက်ဥက တစ်လုံးတစ်ထောင်။ ဒါပေမယ့် ဆိုင်တွေမှာ မရှိတော့ဘူး ” ဒေသခံတစ်ဦးက ပြောပြသည်။