ထိုင်း ၆၃၅ ဦးကို ဖနွမ်းပင်က ပြည်နှင်ဒဏ်ပေး

ကမ္ဘောဒီးယား အာဏာပိုင်များသည် ထိုင်းနိုင်ငံ ဘန်တေး မီးချေး ပြည်နယ်တွင် ထိုင်း နိုင်ငံသား ၆၃၅ ဦး ကို  ကြာသပတေးနေ့တွင်  တရားမဝင် အွန်လိုင်း လှည့်ဖြားမှုနှင့် နိုင်ငံဖြတ်ကျော် ရာဇ၀တ်မှု ကွန်ရက်များနှင့် ချိတ်ဆက်မှုဖြင့်  ပြည်နှင်ဒဏ်ပေးခဲ့သည်။"ကမ္ဘောဒီးယားဥပဒေနဲ့အညီ ထိုင်းအာဏာပိုင်တွေနဲ့ ညှိနှိုင်းပြီး ဥပဒေလုပ်ထုံးလုပ်နည်းတွေနဲ့အညီ ပြန်ပို့တာတွေကို လုပ်ဆောင်ခဲ့ပါတယ်။ နောက်ထပ် သံသယရှိသူ ၃၀ ဦးကို ဖမ်းဆီးထားပါတယ်။ ကမ္ဘောဒီးယားမှာ စွဲချက်တင်ထားတဲ့ ပြစ်မှုတွေနဲ့ ပတ်သက် ပြီးတော့ ကမ္ဘောဒီးယားမှာ ဆက်လက် တရားစွဲမှာပါ" ဟု အာဏာပိုင်များက ပြောကြားခဲ့သည်။ နိုင်ငံတော် ရဲတပ်ဖွဲ့က ဦးဆောင်သည့် ပူးပေါင်းအဖွဲ့က ဧပြီလ ၂၅ ရက်နေ့က စစ်ဆင်ရေးအတွင်း ခရိုင်ရှေ့နေနှင့် ညှိနှိုင်းကာ Poipet ရှိ ကွန်ဒိုပုံစံ အဆောက်အအုံတစ်ခုအား တရားမဝင် အွန်လိုင်းစီးပွားရေး၊ အွန်လိုင်းလောင်းကစားနှင့် နိုင်ငံဖြတ်ကျော် ရာဇ၀တ်မှုဆိုင်ရာလုပ်ငန်းများ ဆောင်ရွက်နေသည်ဟု သံသယရှိသူများကို ပစ်မှတ်ထား စီးနင်းရှာဖွေခဲ့သည်။