ရှမ်းပြည်နယ်၊တာချီလိတ်မြို့တွင် မိုးသက်လေပြင်းတိုက်ခတ်မှုကြောင့် လျှပ်စစ်ဓာတ်တိုင်များ ပျက်စီးပြီး တစ်မြို့လုံး ဓာတ်အားပြတ်တောက်မှုဖြစ်ပွား

ရှမ်းပြည်နယ်၊ တာချီလိတ်မြို့တွင် ဧပြီလ ၂၇ ရက် ညပိုင်းက မိုးသက်လေပြင်းတိုက်ခတ်ခဲ့သဖြင့် နေရာအနှံ့အပြားတွင် သစ်ပင်များကျိုးကျကာ လျှပ်စစ်ဓာတ်အားလိုင်းနှင့် ဓာတ်တိုင်များ ထိခိုက်ပျက်စီးခဲ့ပြီး ည ၈ နာရီကျော်မှစတင်ကာ တစ်မြို့လုံး ဓာတ်အားပြတ်တောက်ခဲ့ကြောင်း မြို့မီးလင်းရေးဦးဆောင်ကော်မတီထံမှ သိရသည်။ လျှပ်စစ်ကျွမ်းကျင်ဝန်ထမ်းများက သစ်ပင်သစ်ကိုင်းများကို အရေးပေါ်ဖယ်ရှားရှင်းလင်းခဲ့ရာ ည ၉ နာရီခွဲခန့်တွင် မြို့ပေါ်ရပ်ကွက်အချို့၌ လျှပ်စစ်ဓာတ်အား ပြန်လည်ရရှိခဲ့ပြီး၊ ကျန်ရှိနေသည့် ပျက်စီးမှုနေရာများကိုလည်း လျှပ်စစ်အန္တရာယ်ကင်းရှင်းရေးအတွက် ဆက်လက်ပြုပြင်ရှင်းလင်းလျက်ရှိကြောင်း သိရှိရပါသည်။