ထိုင်းနိုင်ငံ ချွန်ဘူရီက စက်ရုံရှေ့မှာ အလုပ်ရရန် အလုပ်သမား ၆၀၀ ကျော် တန်းစီစောင့်ဆိုင်း

ထိုင်းနိုင်ငံ၊ ချွန်ဘူရီခရိုင်ရှိ အီလက်ထရွန်နစ်ပစ္စည်း ထုတ်လုပ်သည့် စက်ရုံတစ်ရုံရှေ့တွင် အလုပ်အကိုင်ရရှိရန်အတွက် အလုပ်သမား ၆၀၀ ကျော်သည် တစ်ညလုံး တန်းစီစောင့်ဆိုင်းခဲ့ကြပြီး ထိုစက်ရုံတွင် ရာထူးနေရာ ၃၀ သာ လစ်လပ်နေသော်လည်း အလုပ်လိုချင်သူ အမြောက်အမြားရှိနေသဖြင့် ယခုကဲ့သို့ စောင့်ဆိုင်းခဲ့ကြခြင်းဖြစ်သည်။အလုပ်သမားအများစုသည် ယမန်နေ့ညကတည်းက စက်ရုံရှေ့သို့ ရောက်ရှိလာခဲ့ကြပြီး အချို့မှာ အိပ်ရာလိပ်များ၊ စောင်များနှင့် ခေါင်းအုံးများကို ယူဆောင်လာကာ လမ်းဘေးတွင်ပင် အိပ်စက်ခဲ့ကြသည်။ အချို့မှာမူ မနက်စောစောတွင် ရောက်ရှိလာခဲ့ကြသော်လည်း တန်းစီနေသည့်လူတန်းကြီးမှာ ရှည်လျားလှသဖြင့် အလုပ်ရရှိရန် မျှော်လင့်ချက်နည်းပါးနေသည်။ထိုင်းနိုင်ငံတွင် စီးပွားရေးကျဆင်းကာ အလုပ်လက်မဲ့ဦးရေ တိုးပွားလာခဲ့ပြီးနောက် အလုပ်အကိုင်ရရှိရန် ပိုမိုခက်ခဲလာခဲ့ပြီး အလုပ်သမားများအကြား ပြိုင်ဆိုင်မှု ပြင်းထန်လာခဲ့သည်။