စက်သုံးဆီဈေး ကျဆင်းတဲ့အတွက် အဝေးပြေးယာဉ်လိုင်းတချို့ရဲ့ ကားလက်မှတ်ခတွေဟာ အခု ဧပြီလ နောက် ဆုံးပတ်ကစပြီး ဈေးနှုန်း လျှော့ချသည့်အပြင်အဲဒီအပြင် အရင်အတက်ဈေးနှုန်းတွေနဲ့ ဝယ်ယူထားတဲ့ ကားလက်မှတ်တွေအတွက်အလည်း Check In ပြုလုပ် တဲ့အခါ ပိုငွေကို ပြန်အမ်းငွေအဖြစ် ပြန်လည်ပေးအပ်သွားမှာ ဖြစ်တယ်လို့လည်း အဝေးပြေး ယာဉ်လိုင်းတချို့က ကြေညာထားပါတယ်။မန္တလာမင်း အဆင့်မြင့် ခရီးသည်ပို့ဆောင်ရေးကတော့ ရန်ကုန်-မန္တလေး ခရီးစဉ်အတွက် ရိုးရိုးကားလက်မှတ်ခ ဟာ အရင်က ကျပ် ၆၀၀၀၀ ရှိခဲ့ရာကနေ အခုအခါ ၅၅၀၀၀ ကျပ်၊ အထူးကားဆိုရင် ကျပ် ၉၀၀၀၀ ကနေ ကျပ် ၈၀၀၀၀ ထိ ဈေးနှုန်း ကျဆင်းသွားတာလို့ သိရပါတယ်။ ရန်ကုန်-နေပြည်တော် ခရီးစဉ်အတွက် ရိုးရိုးကားလက်မှတ်ခက အရင် ၄၀၀၀၀ ကျပ်ကနေ အခုအခါ ကျပ် ၃၅၀၀၀၊ အထူးကားဆိုရင် ကျပ် ၆၅၀၀၀ ကနေ ကျပ် ၆၀၀၀၀ ထိ ဈေးနှုန်းပြန်လည်ကျဆင်းသွားပါတယ်။ တခြား အဝေးပြေးခရီးသည်တင်ယာဉ်လိုင်းတချို့လည်း ရန်ကုန်-မန္တလေး ခရီးစဉ်အတွက် ကားလက်မှတ်ခ ကျပ် တစ်သောင်း ကျဆင်းလာသလို ရန်ကုန်-နေပြည်တော် ခရီးစဉ်မှာလည်း ကျပ်ငါးထောင် ပြန်လည်ကျဆင်းလာ တယ်လို့ စုံစမ်း သိရှိပါတယ်။
