ကွင်းသစ်တွင် နိုင်ပွဲရှာမတွေ့သေးသည့် အင်တာမိုင်ယာမီ (၃) ပွဲဆက် သရေကျ

မေဂျာလိဂ်ကလပ် အင်တာမိုင်ယာမီအသင်းသည် ၎င်းတို့၏ ကွင်းသစ်ဖြစ်သော Nu Stadium တွင် ကစားခဲ့သည့် ပွဲစဉ်များ၌ ယနေ့အထိ နိုင်ပွဲရရှိရန် ရုန်းကန်နေရပြီး၊ ယခုတစ်ပတ် နယူးအင်္ဂလန်ရီဗော်လူးရှင်းနှင့် ပွဲစဉ်တွင်လည်း တစ်ဂိုးစီဖြင့် ထပ်မံသရေကျခဲ့သည်။ အဆိုပါပွဲတွင် မက်ဆီ၊ ဆွာရက်ဇ်နှင့် ဒီပေါလ်တို့ကဲ့သို့ အမာခံကစားသမားများ ပွဲထွက်ကစားခဲ့သော်လည်း ဧည့်သည်အသင်းကို ဦးဆောင်ဂိုး စတင်ပေးခဲ့ရပြီး ဘာတယ်ရေမီ၏ ချေပဂိုးကြောင့်သာ သရေတစ်မှတ် ခွဲယူနိုင်ခဲ့ခြင်းဖြစ်သည်။ အင်တာမိုင်ယာမီသည် ကွင်းသစ်တွင် အော်စတင်၊ နယူးယောက်ရက်ဘူးလ်တို့နှင့်လည်း သရေကျထားခဲ့ရာ အိမ်ကွင်း (၃) ပွဲဆက် နိုင်ပွဲပျောက်ဆုံးနေပြီး ယာယီနည်းပြ ဟိုးယက်စ်အတွက်လည်း အဝေးကွင်းနိုင်ပွဲများအပြီး ပထမဆုံးအကြိမ် ရလဒ်ပိုင်း အကျအဆုံးနှင့် ကြုံတွေ့ခဲ့ရခြင်း ဖြစ်ပါသည်။