မဟာပါသာဏလှိုဏ်ဂူတော်၌ ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အခမ်းအနား (၃) ရက်တိုင် ကျင်းပမည်

ရန်ကုန်တိုင်းဒေသကြီး၊ မရမ်းကုန်းမြို့နယ်ရှိ ကမ္ဘာအေးကုန်းမြေ မဟာပါသာဏလိုဏ်ဂူသိမ်တော်ကြီးတွင် ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ် မဟာမင်္ဂလာအခမ်းအနားကို ဧပြီလ ၃၀ ရက်မှ မေလ ၂ ရက်နေ့အထိ စည်ကားသိုက်မြိုက်စွာ ကျင်းပသွားမည်ဖြစ်သည်။ အဆိုပါ (၃) ရက်တာကာလအတွင်း ဖွင့်ပွဲအခမ်းအနား၊ စာတမ်းဖတ်ပွဲနှင့် ပိတ်ပွဲများကို အစီအစဉ်အလိုက် ကျင်းပမည်ဖြစ်ပြီး အထူးပြပွဲများအဖြစ် ဓာတ်ပုံပြခန်းများ၊ ရုပ်တုများ၊ ဆဋ္ဌသင်္ဂါယနာတင် ကျမ်းစာအုပ်များ ခင်းကျင်းပြသခြင်းနှင့် ဉာဏ်စမ်းပဟေဠိပြိုင်ပွဲများ ထည့်သွင်းဆောင်ရွက်သွားမည်ဖြစ်သည်။ ထို့ပြင် အထိမ်းအမှတ်ပစ္စည်းများ ထုတ်ဝေခြင်း၊ ဒေဝါဝင်း၊ ရာဇာဝင်းများဖြင့် လှည့်လည်ပူဇော်ခြင်းနှင့် ဖျော်ဖြေရေးအစီအစဉ်များလည်း ပါဝင်မည်ဖြစ်ကြောင်း သိရှိရပါသည်။