ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ အမှတ် (၃) လမ်းနှင့် ခရေပင်လမ်းထောင့်တွင် ကိုင်းတောမီးလောင်မှုဖြစ်ပွား

ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ စမ်းကြီးဝရပ်ကွက်၊ အမှတ် (၃) လမ်းနှင့် ခရေပင်လမ်းထောင့်တွင် ဧပြီလ ၂၅ ရက် နံနက် ၀၀ နာရီ ၄၄ မိနစ်အချိန်ခန့်က ကိုင်းတောမီးလောင်မှုဖြစ်ပွားခဲ့ရာ မင်္ဂလာဒုံမြို့နယ်မီးသတ်စခန်းနှင့် ဝေဘာဂီနယ်မြေမီးသတ်စခန်းတို့မှ မီးငြှိမ်းသတ်ယာဉ်များ ထွက်ခွာငြှိမ်းသတ်ခဲ့ကြောင်း သိရသည်။ အဆိုပါမီးလောင်မှုကို မီးသတ်တပ်ဖွဲ့ဝင်များက ဝိုင်းဝန်းငြှိမ်းသတ်ခဲ့သဖြင့် နံနက် ၀၂ နာရီ ၂၃ မိနစ်တွင် မီးထိန်းနိုင်ခဲ့ပြီး နံနက် ၀၃ နာရီ ၀၆ မိနစ်အချိန်တွင် မီးလုံးဝငြိမ်းသွားခဲ့ကြောင်း သိရှိရပါသည်။