တရုတ်သံအမတ်ကြီးအပါအဝင် နိုင်ငံတကာသံအမတ်များ ပြည်သူ့ရင်ပြင် သင်္ကြန်မဏ္ဍပ်တွင် ပျော်ရွှင်စွာဆင်နွှဲ

ယနေ့ ဧပြီ (၁၄) ရက်နေ့ သင်္ကြန်(အကျ)နေ့တွင် တရုတ်သံအမတ်ကြီးအပါအဝင် မြန်မာနိုင်ငံဆိုင်ရာ နိုင်ငံတကာသံအမတ်များက ပြည်သူ့ရင်ပြင် သင်္ကြန်မဏ္ဍပ်တွင် ပျော်ရွှင်စွာဆင်နွှဲခဲ့ကြသည်။ ရန်ကုန် မြို့တော် ပြည်သူ့ရင်ပြင်သင်္ကြန်မဏ္ဍပ်တွင် နိုင်ငံခြားသံရုံးများမှ သံအမတ်ကြီးများနှင့် သံရုံးယာယီ တာဝန်ခံများ၊ စစ်သံရုံးများမှ စစ်သံမှူးများ၊ သံတမန် များနှင့် ၎င်းတို့၏ မိသားစုဝင်များ၊ ရန်ကုန်တိုင်းဝန်ကြီးချုပ် ဦးအောင်နိုင်သူနှင့် အစိုးရအဖွဲ့ဝင် ဝန်ကြီးများက ပျော်ရွှင်စွာဆင်နွှဲခဲ့ကြသည်။ ပြည်သူ့ရင်ပြင်သင်္ကြန်မဏ္ဍပ်တွင် လာရောက်ဆင်နွှဲသည့်ပြည်သူများဖြင့် ကျိတ်ကျိတ်တိုး စည်ကားလျက်ရှိသည်။