ကမ္ဘောဒီးယားက တရုတ်ခရီးသွားများအတွက် ၄ လကြာ ဗီဇာကင်းလွတ်ခွင့်ပြု

ကမ္ဘောဒီးယားနိုင်ငံသည် ခရီးသွားလုပ်ငန်း ပြန်လည်ဦးမော့လာစေရန်အတွက် တရုတ်ပြည်မကြီး၊ ဟောင်ကောင်နှင့် မကာအိုတို့မှ နိုင်ငံကူးလက်မှတ်ကိုင်ဆောင်သူများကို ၂၀၂၆ ခုနှစ်၊ ဇွန်လ ၁၅ ရက်မှ အောက်တိုဘာလ ၁၅ ရက်အထိ (၄) လကြာ ဗီဇာကင်းလွတ်ခွင့်ပြုလိုက်ကြောင်း ဝန်ကြီးချုပ် ဟွန်မာနက်က အတည်ပြုထုတ်ပြန်ခဲ့သည်။ အဆိုပါ အစီအစဉ်အရ ခရီးသွားများသည် ဗီဇာကြေးပေးဆောင်ရန်မလိုဘဲ ၁၄ ရက်အထိ နေထိုင်နိုင်ကာ အကြိမ်ကြိမ် ဝင်ထွက်သွားလာခွင့်ရရှိမည်ဖြစ်သော်လည်း ထိုင်ဝမ်မှ ခရီးသွားများနှင့်မူ သက်ဆိုင်ခြင်းမရှိကြောင်း သိရသည်။ လာရောက်သူများသည် ဒစ်ဂျစ်တယ် "Cambodia e-Arrival" ကတ်ကို ဖြည့်သွင်းရုံဖြင့် တိုက်ရိုက်ဝင်ရောက်နိုင်မည်ဖြစ်ပြီး၊ ဤလုပ်ဆောင်ချက်သည် ကမ္ဘောဒီးယားနိုင်ငံအား ဒေသတွင်း ထိပ်တန်းခရီးသွားနေရာတစ်ခုဖြစ်လာစေရန်နှင့် စီးပွားရေးအရှိန်မြှင့်တင်ရန် ရည်ရွယ်ခြင်းဖြစ်ကြောင်း  သိရှိရပါသည်။