အရှေ့အလယ်ပိုင်းပဋိပက္ခနှင့် ကမ္ဘာလုံးဆိုင်ရာ စွမ်းအင်အကျပ်အတည်းကို စောင့်ကြည့်တုံ့ပြန်ရန်အတွက် ဖွဲ့စည်းထားသော လုပ်ငန်းအဖွဲ့တစ်ခုအောက်တွင် ရေနံစျေးနှုန်းအတက်အကျကြောင့် ကြီးမားစွာထိခိုက်ခံရသော သယ်ယူပို့ဆောင်ရေးကဏ္ဍအတွက် ရေတိုသက်သာရေးအစီအမံများကို ဟောင်ကောင်တွင် အကောင်အထည်ဖော်ရန် မျှော်လင့်ထားကြောင်း South China Morning Post မှ သိရှိရပါသည်။ကြာသပတေးနေ့ နံနက်ပိုင်းက အကြီးတန်းအရာရှိများ တွေ့ဆုံမှုအပြီးတွင် ၎င်းတို့သည် ဒေသတွင်းစက်မှုလုပ်ငန်းများအပေါ် စွမ်းအင်အကျပ်အတည်း၏ သက်ရောက်မှုများကို ကိုင်တွယ်ဖြေရှင်းရန် မဟာဗျူဟာများနှင့် ဖြစ်နိုင်ခြေအစီအမံများကို ဆွေးနွေးခဲ့ကြကြောင်း သိရသည်။
“အပစ်အခတ်ရပ်စဲရေး ကြေညာထားပေမယ့် စစ်ပွဲက မပြီးသေးဘဲ ရေနံဈေးက တစ်စည်ကို ဒေါ်လာ ၁၀၀ လောက်ထိ ငြိမ်နေတယ်” ဟု အစိုးရအတွင်းဝန်တစ်ဦးက ပြောသည်။
