CNG မော်တော်ယာဉ်များ စစ်ဆေးမှု မဖြစ်မနေလိုက်နာရန် စွမ်းအင်ဝန်ကြီးဌာန အသိပေး

စွမ်းအင်ဝန်ကြီးဌာန၏ အောက်ရှိ မော်တော်ယာဉ်သုံး သဘာဝဓာတ်ငွေ့ဌာနမှ အများပြည်သူ သယ်ယူပို့ဆောင်ရေးကဏ္ဍတွင် လုံခြုံရေးနှင့် စနစ်တကျ အသုံးပြုနိုင်ရေးအတွက် CNG မော်တော်ယာဉ်များအား စည်းကမ်းများကို တိတိကျကျလိုက်နာရန် အသိပေးထုတ်ပြန်လိုက်သည်။ဌာန၏ အဆိုအရ ရန်ကုန်၊ မန္တလေး၊ ပလိပ်နှင့် မကွေးတိုင်းဒေသကြီးရှိ ချောက်နှင့် ရေနံချောင်းမြို့များတွင် CNG အရောင်းဆိုင်များကို ပိတ်ရက်မရှိ ဖွင့်လှစ်၍ ဈေးနှုန်းချိုသာစွာဖြင့် ဖြန့်ဖြူးရောင်းချပေးလျက်ရှိကြောင်း သိရသည်။CNG သည် ဖိအားမြင့်ဖြင့် ဆလင်ဒါအိုးအတွင်း ဖိသိပ်ထားသော ဓာတ်ငွေ့ဖြစ်သဖြင့် အိုး၊ ပိုက်နှင့် စနစ်များ မလုံခြုံပါက ယိုစိမ့်၍ မီးလောင်ပေါကကွဲနိုင်သော အန္တရာယ်ရှိကြောင်း ဌာနက သတိပေးထားသည်။