ထိုင်းနိုင်ငံတစ်ဝန်းရှိ ဓာတ်ဆီဆိုင်များတွင် ကြာသပတေးနေ့ နံနက်ပိုင်းတွင် ဒီဇယ်ဈေးသည် ၃.၅၀ ဘတ် ထပ်တက်လာသဖြင့် တစ်လီတာလျှင် ၄၄.၂၄ ဘတ်သို့ မြင့်တက်သွားကာ လွန်ခဲ့သည့်တစ်လက ထက် ၄၈ ရာခိုင်နှုန်း မြင့်တက်လာပြီဖြစ်သည်။PTT နှင့် Bangchak တို့သည် ကြာသပတေးနေ့ နံနက် ၅ နာရီမှ စ၍ တစ်လီတာလျှင် ၁.၂၀ ဘတ်နှုန်းဖြင့် ဓာတ်ဆီအမျိုးအစားအားလုံး၏စျေးနှုန်းများ တိုးမြှင့်မည်ဟု ကြေညာခဲ့သည်။ အခြား စက်သုံးဆီ လက်လီအရောင်းဆိုင် များသည် ၎င်းတို့၏ တက်ဈေးနှုန်း အတိုင်းလိုက်ရောင်းလိမ့်မည်ဟု မျှော်လင့်ရသည်။ရေနံလောင်စာရန်ပုံငွေကော်မတီက လောင်စာဆီထောက်ပံ့ ကြေးကို တစ်လီတာလျင် ၂၂.၈၉ ဘတ်မှ ၁၇.၇၈ ဘတ်သို့ လျှော့ချပြီးနောက် ဗုဒ္ဓဟူးနေ့ညနေပိုင်းတွင် ဒီဇယ်ဈေးတိုးမြှင့်မှုကို ကြေညာခဲ့သည်။အစ္စရေးနှင့် အမေရိကတို့က အီရန်ကို စပြီး ဗုံးကြဲသည့် ဖေဖော်ဝါရီလ ၂၈ ရက်နေ့ကထက် ယခုအခါ တစ်လီတာလျှင် ၁၄.၃၀ ဘတ် ပိုများနေပြီဖြစ်သဖြင့် ကမ္ဘာတစ်ဝန်း စွမ်းအင်ထောက်ပံ့ ဖြည့်တင်းမှုကို အကြီးအကျယ် အနှောင့်အယှက်ဖြစ်စေသည့် ဒေသတွင်းစစ်ပွဲကို အဆုံးသတ်ပစ်ရမည်။
