ဟင်္သာတတွင် အမျိုးသမီးတစ်ဦးကို သတ်ဖြတ်မီးရှို့အလောင်းဖျောက်ခဲ့သည့် တရားခံအား မအူပင်တွင် ဖမ်းဆီးရမိ

ဧရာဝတီတိုင်းဒေသကြီး၊ ဟင်္သာတမြို့နယ်တွင် ငွေချေးရာ၌ အဆင်မပြေဖြစ်ရာမှ အမျိုးသမီးတစ်ဦးကို လုယက်သတ်ဖြတ်ပြီး မီးရှို့အလောင်းဖျောက်ခဲ့သည့် တရားခံအား မအူပင်မြို့၌ ဖမ်းဆီးရမိခဲ့ကြောင်း သိရသည်။ ဖြစ်စဉ်မှာ ပြီးခဲ့သည့် မတ်လ ၃ ရက်နေ့က ဟင်္သာတမြို့နယ်၊ ဆပ်ပြာအိုင်ကျေးရွာရှိ ဝါးခြံတစ်ခုအတွင်း အသက် ၅၇ နှစ်အရွယ် ဒေါ်သင်းသင်းအေး၏ ရုပ်အလောင်းအား မီးရှို့ခံထားရသည့် အခြေအနေဖြင့် တွေ့ရှိခဲ့ခြင်းဖြစ်သည်။စုံစမ်းစစ်ဆေးချက်များအရ ကျူးလွန်သူမှာ အသက် ၅ နှစ်အရွယ် ထောင်ဒဏ်ကျခံဖူးပြီး ၂၀၂၅ ခုနှစ်ကုန်ပိုင်းတွင် လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာသူ အွန်စော (ခ) ဖြိုးဝေအောင် ဖြစ်ကြောင်း သိရှိရပြီး၊ ၎င်းအား မတ်လ ၂၈ ရက်နေ့တွင် မအူပင်မြို့ ကားဝင်းအတွင်း၌ ဖမ်းဆီးရမိခဲ့ခြင်းဖြစ်သည်။ လက်ရှိတွင် တရားခံအား ဟင်္သာတမြို့ နယ်မြေခံရဲစခန်း၌ ရာဇသတ်ကြီးဥပဒေပုဒ်မ ၃၀၂/၃၉၄/၂၀၁ (လူသတ်မှု၊ လုယက်မှုနှင့် ပြစ်မှုဆိုင်ရာသက်သေခံချက်ကို ဖျောက်ဖျက်မှု) တို့ဖြင့် အမှုဖွင့်စစ်ဆေးလျက်ရှိကြောင်း သိရှိရပါသည်။