ရပ်စောက်မြို့နယ်တွင် တောင်သူတစ်ဦး နေလှန်းထားသည့် ပဲစင်းငုံများ မီးရှို့ဖျက်ဆီးခံရ၍ ငွေကျပ်သိန်း ၁၀ဝ ကျော် ဆုံးရှုံး

ရှမ်းပြည်နယ်တောင်ပိုင်း၊ ရပ်စောက်မြို့နယ်၊ ဆတ်သေကျေးရွာတွင် တောင်သူတစ်ဦး စိုက်ပျိုးထုတ်လုပ်ပြီး နေလှန်းထားသည့် ပဲစင်းငုံများအား မသမာသူတစ်ဦးမှ ရည်ရွယ်ချက်ရှိရှိ မီးရှို့ဖျက်ဆီးခဲ့သဖြင့် ငွေကြေးသိန်းရာကျော် ဆုံးရှုံးမှုဖြစ်ပွားခဲ့သည်။ အဆိုပါတောင်သူသည် စိုက်ပျိုးရေးအတွက် အကြွေးယူ၍ ရင်းနှီးမြှုပ်နှံထားသူဖြစ်ရာ ယခုဖြစ်စဉ်ကြောင့် အနာဂတ်စီးပွားရေးအတွက် အကြီးအကျယ် အခက်တွေ့နေရပြီး ကျေးရွာလူထုက တရားခံအား ဖော်ထုတ်အရေးယူပေးရန် လိုလားနေကြသည်။